اردوئے معلیٰ

Search

رتبے خدا ودھا کے نیں گھلے حضور دے

نبیاں ادب توں راہ نیں ملّے حضور دے

 

دکھڑے حلیمہ دے گھروں پھر کوچ کر گئے

جد ہوٹھ مسکرا کے نیں ہلے حضور دے

 

اج لوح تے قلم وی جو آئے نیں رقص وچ

جلوے بھلا ہے کون جو جھلے حضور دے

 

کستوری نال طیبہ دی کردی غسل ہوا

ہلن کمال زلف دے چھلے حضور دے

 

قاسم بنا کے آپ نوں کُن دے جہان دا

کنجی خدا چا بنھی اے پلے حضور دے

 

ایویں نہ پا کے بیٹھیاں جھُگیاں ایہ راہ تے

اکھیاں قدم لکا لئے تھلے حضور دے

 

اعجاز نوں نہ لبھ کِتوں اعجازؔ کملیا

اعجاز رہ رہیا اے محلے حضور دے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ