اردوئے معلیٰ

Search

رحمتوں سے بھری اک نظر کے غلام

منفرد سب میں ہیں اُن کے در کے غلام

 

نسبتِ مصطفٰی ہیں علی کے غلام

ہیں وہ صدیق و عثماں، عمر کے غلام

 

گر بلاوہ مدینے سے سرکار ہو

جھومتے جائیں گے اُس نگر کے غلام

 

بے کراں رحمتوں کا سمندر ہیں وہ

فیض پاتے ہیں سب بحر و بر کے غلام

 

حشر میں حوضِ کوثر سے آئی ندا

منتظر ہوں گے سب اس خبر کے غلام

 

یا نبی ہو عطا حاضری اس طرح

لائیں جھولی درودوں کی بھر کے غلام

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ