اردوئے معلیٰ

روح کے واسطے یہ امرت ہے

نعت کہنا بڑی سعادت ہے

 

یا محمد سے جھوم جائے دل

نام لینے میں ایسی لذت ہے

 

ان کے در پر زبان ہے خاموش

آنسوؤں سے بیانِ مدحت ہے

 

دن کا آغاز ہو درودوں سے

ایک مدت سے میری عادت ہے

 

مجھ سا عاصی بھی نعت کہتا ہے

یا نبی آپ کی یہ شفقت ہے

 

کام آئے ہیں نعت میں جو بھی

ایک اک لفظ کو یہ عظمت ہے

 

خلد کا پوچھتے ہو کیسی ہے

جو مدینہ ہے ، ایسی جنت ہے

 

پڑھ درود و سلام کثرت سے

میرے اللہ کی یہ سنت ہے

 

ایک نظرِ کرم عطا کیجیے

دل کی سرکار اتنی حاجت ہے

یہ نگارش اپنے دوست احباب سے شریک کیجیے

اشتہارات

لُطفِ سُخن کچھ اس سے زیادہ

اردوئے معلیٰ

پر

خوش آمدید!

گوشے۔۔۔

حالیہ اشاعتیں

اشتہارات

اشتہارات