اردوئے معلیٰ

Search

رو رو نہ لُڑاں دیواں کِتے تن دے جہاں نوں

سرکار تسیں دیسو ملاقات کداں نوں

 

اک وار کدی مُڑ کے جے ویکھیں چا طبیبا

بیمار بھلا دین قیامت جئے غماں نوں

 

محبوب نوں ویکھاں تے کدی ذات میں اپنی

ڈر ڈر کے ادب توں میں ڈرا دیواں ڈراں نوں

 

توں چوگ جواباں دی چگا دیویں کریما

پنچھی جے سلاماں دا کدی کھولے پراں نوں

 

کر بیٹھی نظر میری قضا عشق نمازاں

سورج توں زیارت دا آ کے موڑ پچھاں نوں

 

چھڈ ہوش گئے مینوں مِرا ویکھ تماشا

پلکاں نوں کریں ماہی ذرا کُو تے اُتاں نوں

 

اعجازؔ اَوَلڑی اے ترے عشق دی نگری

سُکھ جھُکدے زمانے دے ترے دکھ دے گھراں نوں

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ