اردوئے معلیٰ

Search

رُخِ مصطفیٰ سے ہے روشنی

رُخِ مصطفیٰ سے ہے زندگی

 

قمر فلک میں بھی بالیقیں

رُخ مصطفیٰ سے ہے چاندنی

 

گل و عندلیب چمن میں بھی

رُخِ مصطفیٰ سے ہے تازگی

 

یہی ’’قَدْ نَرٰی‘‘سے عیاں ہوا

رُخِ مصطفیٰ سے ہے بندگی

 

یہ جہان خاک مہک رہا

رُخِ مصطفیٰ سے ہے ہر گھڑی

 

شب تیرہ میں بھی تو دیکھیے

رُخِ مصطفیٰ سے ہے روشنی

 

مرا ازہرؔ اس پہ یقین ہے

رُخِ مصطفیٰ سے ہے زندگی

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ