اردوئے معلیٰ

Search

رہتے ہیں مرے دل میں ارمان مدینے کے

کب مجھ کو بلائیں گے سلطان مدینے کے

 

روتے ہیں تڑپتے ہیں، کہتے ہیں یہ دیوانے

کس روز بنیں گے ہم مہمان مدینے کے

 

اے کاش! مدینے میں سرکار جو بلوا لیں

ہو جائیں دل و جاں سے قربان مدینے کے

 

رہتے ہیں سدا ان کے دل کیفِ حضوری میں

پڑھتے ہیں قصیدے جو ہر آن مدینے کے

 

اب تاب نہیں مجھ میں دوری کی شہِ بطحا!

ہو جائیں بہم اک دن سامان مدینے کے

 

میرے لئے سب آصف، تعظیم کے لائق ہیں

وہ سنگ و شجر ہوں یا انسان مدینے کے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ