اردوئے معلیٰ

Search

سائے میں تمھارے ہیں قسمت یہ ہماری ہے

قربان دل و جاں ہیں کیا شان تمھاری ہے

 

کیا پیش کروں تم کو کیا چیز ہماری ہے

یہ دل بھی تمھارا ہے یہ جاں بھی تمھاری ہے

 

نقشہ ترا دلکش ہے صورت تری پیاری ہے

جس نے تمہیں دیکھا ہے سو جان سے واری ہے

 

گو لاکھ بُرے ہیں ہم کہلاتے تمہارے ہیں

اک نظرِ کرم کرنا یہ عرض ہماری ہے

 

ہم چھوڑ کے اس در کو جائیں تو کہاں جائیں

اک عمر تمہارے ہی ٹکڑوں پہ گزاری ہے

 

تاجیؔ ترے سجدے سے زاہد کو جلن کیوں ہے

قدرت نے جبیں سائی قسمت میں اُتاری ہے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ