اردوئے معلیٰ

ساری اُمَّت کے نگہباں آپ پر ہر دَم سلام

مرکزِ دِین اور اِیماں آپ پر ہر دَم سلام

 

خُلق میں، کِردار میں، اَفکار میں، اِظہار میں

آپ ہیں بے مثل سُلطاں آپ پر ہر دَم سلام

 

آپ کا ذِکرِ مبارک آفریں صَد آفریں

باعثِ تسکینِ ہر جاں آپ پر ہر دَم سلام

 

اپنے تو اپنے رہے اغیار پر بھی آپ کے

جاری ہیں رحمت کے فیضاں آپ پر ہر دَم سلام

 

آپ آئے تو بہاریں آ گئیں اور چھا گئیں

کِھل اُٹھے ہر سو گُلِستاں آپ پر ہر دَم سلام

 

بے نواؤں اور یتیموں کے سہارے یا نبی

آپ ہیں بے کس کے پُرساں آپ پر ہر دَم سلام

 

آپ کی ذاتِ گِرامی اسمِ اعظم، کیمیا

آپ ہی ہیں شاہِ خُوباں آپ پر ہر دَم سلام

 

آپ رحمت کی قبا ہیں اور رب کی ہیں رضاؔ

فخرِ عالم، میرِ انساں آپ پر ہر دَم سلام

یہ نگارش اپنے دوست احباب سے شریک کیجیے

اشتہارات

لُطفِ سُخن کچھ اس سے زیادہ

اردوئے معلیٰ

پر

خوش آمدید!

گوشے۔۔۔

حالیہ اشاعتیں

اشتہارات

اشتہارات