اردوئے معلیٰ

Search

جس حال میں تُم رکھو وھی حال مُبارک

ھم اھلِ محبت کو نیا سال مُبارک

 

ھر دل کو ھو مُنہ مانگی تمنّاؤں کا مژدہ

ھر آنکھ کو من چاھے خدوخال مبارک

 

ھر پَھیلی ھتھیلی کی دُعاؤں کو دُعائیں

ھر پاؤں کو منزل کی طرف چال مُبارک

 

یخ بستہ شبِ ھجر کی برفیلی ھوا میں

مُجھ کو ترا غم، تجھ کو تری شال مُبارک

 

ھرچند تُجھے اس نے فقط درد دیے ھیں

فارس ! تُجھے یہ عشق بہَرحال مُبارک

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ