اردوئے معلیٰ

Search

سب جہانوں میں نیک نام ہوا

اُن کے در پر مرا قیام ہوا

 

خلقتِ دہر نے شفا پائی

جب محمد کا فیض عام ہوا

 

آبِ زم زم سے با وضو ہو کر

نعت کہنے کا اہتمام ہوا

 

بس وہی سانس معتبر ٹھہری

جس کا طیبہ میں اختتام ہوا

 

عشق نے فاصلے سمیٹ دیے

اب مدینہ بھی چند گام ہوا

 

میں مدینے سے آ گیا جیسے

نعت کا جونہی اختتام ہوا

 

اے فدا اُن کی نعت کے صدقے

ہر جگہ تیرا احترام ہوا

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ