اردوئے معلیٰ

Search

سردار کا ماتم گلی گلی

غدار کا ماتم گلی گلی

 

اے وطن فروشو کریں گے ہم

بیوپار کا ماتم گلی گلی

 

بندوقوں والے دیکھیں گے

تلوار کا ماتم گلی گلی

 

تم سب رکھوالے چوروں کے

کردار کا ماتم گلی گلی

 

ہوگا آئین کی میت پر

لاچار کا ماتم گلی گلی

 

تاریخ نے دیکھ لیا آخر

سالار کا ماتم گلی گلی

 

جھوٹی کٹھ پُتلی بے غیرت

سرکار کا ماتم گلی گلی

 

اے ہموطنوں تم دیکھو گے

غمخوار کا ماتم گلی گلی

 

ہے ٹھان لی دل نے ، اب ہوگا

بیمار کا ماتم گلی گلی

 

غربت کی دہشت گردی پر

بازار کا ماتم گلی گلی

 

روٹی کی لاش پہ برپا ہے

نادار کا ماتم گلی گلی

 

فرحت نے کرنا ہے تیرے

انکار کا ماتم گلی گلی

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ