اردوئے معلیٰ

Search

سرورِ انبیاء آ گئے، آ گئے

رازدارِ خدا آ گئے، آ گئے

 

حضرتِ آمنہ صد مبارک تمہیں

گود میں مصطفی آ گئے، آ گئے

 

ماں حلیمہ کا گھر نور سے سج گیا

جب سے نور الہدیٰ آ گئے، آ گئے

 

راہ بھٹکے ہوئے منزلیں پائیں گے

خَلق کے رہنما آ گئے، آ گئے

 

اب کنارے لگیں گی سبھی کشتیاں

دوستو! ناخدا آ گئے، آ گئے

 

اے رضاؔ کائناتیں ہیں محوِ ثنا

تاجدارِ ہدیٰ آ گئے، آ گئے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ