اردوئے معلیٰ

Search

سرکار دے نیناں دی گل وات بتیری اے

اک جھات زمانے نوں خیرات بتیری اے

 

ایہ آکھ کے ٹر گئی اے اج رات جہالت دی

والشمس چمک جگ تے دن رات بتیری اے

 

جھل کون جھلک سکدا والّیل گھٹاواں دی

انوار ، تجلیاں دی برسات بتیری اے

 

مُکھ آپ دا کافی اے وحدت دی نگاہواں نوں

کونین دے ہوٹھاں تے بس نعت بتیری اے

 

نئیں لوڑ کسے دی وی ہُن رب مناون لئی

محبوب دے نیناں دی اک جھات بتیری اے

 

گھل دین ہوا دے ہتھ لجپال دلاسے نوں

بیمار گھلاون لئی ایہ بات بتیری اے

 

ہے تاج سکندر دا اعجازؔ دے پیراں وچ

سرکار دا کمّی آں اوقات بتیری اے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ