اردوئے معلیٰ

Search

سلام اے سبز گُنبد کے مکِیں تُجھ پر سلام

سلام اے رحمتہ الّلعالمیں تُجھ پر سلام

 

کنارے لگ گئی کشتی جو تیرے نام کی تھی

زمانے میں کوئی تُجھ سا نہِیں تُجھ پر سلام

 

ہمیں تیری شِفاعت کا سرِ محشر سہارا ھو

شہِ یثرب ھے تُو صادِق، امِیں تُجھ پر سلام

 

کبھی طائف میں تُجھ پر حق کی خاطر سنگ برسے ہیں

اُنہیں بھی بد دُعائیں دی نہِیں تُجھ پر سلام

 

فرِشتے جِن حدوں سے اِک قدم آگے نہ بڑھتے تھے

بڑھے ہیں اُن سے بھی آگے کہِیں تُجھ پر سلام

 

کرے خُود مولا تیری ناز برداری مُحمّد

تِرے تابع ہیں جِبریلِ امیں تُجھ پر سلام

 

رشِید حسرتؔ زمانے میں ھؤا ھے مُعتبر جِس سے

ھے تیری ھی عِنایت بالیقیں تُجھ پر سلام

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ