سید المرسلیں سلامُ علیک

 

سید المرسلیں سلامُ علیک

رحمت العالمیں سلامُ علیک

 

نورِ عرشِ بریں سلامُ علیک

لا مکاں کے مکیں سلامُ علیک

 

مجھ پہ بھی ہو نظر عنایت کی

شافعِ مذنبیں سلامُ علیک

 

آپ کے دم سے ہیں زمین و زماں

روحِ دنیا و دیں سلام علیک

 

حشر کے روز یا رسول اللہ

مجھ کو رکھنا قریں سلامُ علیک

 

سارے انسان خوبصورت ہیں

آپ جیسے نہیں، سلامُ علیک

 

آپ کے سنگِ در پر خم ہو کر

کہہ رہی ہے جبیں سلامُ علیک

 

مجھ کو ہو گی شفاعتِ آقا

اس قدر ہے یقیں سلامُ علیک

 

یہ نگارش اپنے دوست احباب سے شریک کیجیے

اشتہارات

لُطفِ سُخن کچھ اس سے زیادہ