اردوئے معلیٰ

Search

سیرت پہ ان کی چل کے تو روشن حیات کر

یوں سیرتِ نبی سے تو اپنی نجات کر

 

اپنے قلم کو پہلے ادب سے گزار لے

نعتِ نبی کے باب میں پھر کوئی بات کر

 

تجھ کو سخن سے رب نے نوازا ہے جس قدر

اصناف اس کی چھوڑ کے نعتوں سے رات کر

 

اپنے خدا سے ایک دعا صبح و شام ہے

لمحات میری زیست کے بس وقفِ نعت کر

 

زاہدؔ کسی سے کیسے ادا حقِ نعت ہو

جتنی تری بساط ہے بس اتنی بات کر

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ