اردوئے معلیٰ

شاداں ہیں دونوں عالم، میلادِ مصطفیٰ پر

 

شاداں ہیں دونوں عالم، میلادِ مصطفیٰ پر

تحلیل ہو گئے غم، میلادِ مصطفیٰ پر

 

وردِ زباں ہو ہر پل یہی جاوداں وظیفہ

پڑھیے درود پیہم میلادِ مصطفیٰ پر

 

کون و مکاں کی ارفع نعمت عطا ہوئی ہے

مسرور کیوں نہ ہوں ہم، میلادِ مصطفیٰ پر

 

رگ رگ میں روشنی سی اتری قرار بن کر

بے چینیاں گئیں تھم، میلادِ مصطفیٰ پر

 

پت جھڑ کی ہر نشانی مٹنے لگی چمن سے

آیا بہار موسم، میلادِ مصطفیٰ پر

 

جب نورِ مصطفیٰ نے بشری لباس پہنا

انساں ہوا معظم، میلادِ مصطفیٰ پر

 

اشفاقؔ ان کی آمد ہے مہر و مہ کی زینت

تاریکیاں ہیں برہم، میلادِ مصطفیٰ پر

 

یہ نگارش اپنے دوست احباب سے شریک کیجیے

اشتہارات

لُطفِ سُخن کچھ اس سے زیادہ