اردوئے معلیٰ

Search

شاد و آباد رہو، وقت سدا خوش رکھے

تم جہاں جاؤ تمہیں میری دعا خوش رکھے

 

فکرِ فردا سے بجھے جاتے تھے دل سینوں میں

حوصلہ تم نے دیا، تم کو خدا خوش رکھے

 

پائیدانوں پہ ترقی کے ملے عزت و نام

بامِ شہرت پہ محبت کی ہوا خوش رکھے

 

آگہی رستہ اُجالے، تمہیں دیکھے دنیا

سازگاری ملے، منزل کی فضا خوش رکھے

 

تم نے ماں باپ کو خوش اپنی سعادت سے کیا

مالکِ روزِ جزا تم کو سوا خوش رکھے

 

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ