اردوئے معلیٰ

Search

شامل ہے یہ سوال بھی اب کے ملال میں

کیا کر لیا جنوں نے چوالیس سال میں

 

اب سُست پڑ چلی ہے روانی خیال کی

اب فرق آ گیا ہے لہو کے اُبال میں

 

باقی اگر سفر ہے تو اُترائیوں کا ہے

صحراء نوردِ عُمر ہے دشتِ زوال میں

 

آخر کو اختیار فقیری ہی کی گئی

راضی ہوا نہ عشق کسی اور حال میں

 

جس جس طرح سے فرض کیا ہجر میں تمہیں

وہ وسعتیں کہاں ہیں بساطِ وصال میں

 

اَئے عُمر ، دستِ شفقت و نگراں نظر ہٹا

کتنے ہی کانچ چُور ہوئے دیکھ بھال میں

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ