شاہا ! سُخن کو نکہتِ کوئے جناں میں رکھ

شاہا! سُخن کو نکہتِ کوئے جناں میں رکھ

اپنے کرم کے ہالۂ عنبر فشاں میں رکھ

 

ویسے تو حُسن زار ہیں حیرت گہِ طلب

لیکن ہمیں محلۂ قُدسی نشاں میں رکھ

 

ڈھلتی شفق میں کھِلتے ہیں کچھ خوابِ انگبیں

صبحِ عیاں کو لذتِ شامِ نہاں میں رکھ

 

صدیوں سے شہر شہر کی ہجرت سے تھک گیا

اب مجھ کو قربِ سنگِ درِ آستاں میں رکھ

 

تیری ثنا کے شوق میں ہی عمر بھر رہوں

یہ نسبتِ نیاز مرے قلب و جاں میں رکھ

 

مجھ کو بھی اپنے مطلعِ طلعت کی بھیک دے

مجھ کو بھی اپنی جلوہ گہِ بیکراں میں رکھ

 

حاشا، بکھر ہی جائے نہ یہ حرفِ نارسا

اِس کو ثنا کے دامنِ حفظ و اماں میں رکھ

 

بے کیف موسموں کو عطا کر لطافتیں

بے نام حدتوں کا سماں سائباں میں رکھ

 

مَیں شعر باندھتا ہُوں، اسے اوجِ نعت دے

مَیں حرف جوڑتا ہوں انہیں کہکشاں میں رکھ

 

خاکِ طلب کو فیض گہِ آستاں مِلے

خارِ خزاں کو نقش گہِ گُلستاں میں رکھ

 

مقصودؔ اُس حسیب سے بخشش کے واسطے

آقا کا اسمِ نور سدا درمیاں میں رکھ

 

یہ نگارش اپنے دوست احباب سے شریک کیجیے
Share on facebook
Share on twitter
Share on whatsapp
Share on telegram
Share on email

اشتہارات

لُطفِ سُخن کچھ اس سے زیادہ

اردوئے معلیٰ

پر

خوش آمدید!

گوشے

متعلقہ اشاعتیں

بعد ثنائے ربِّ معظَّم، نعتِ نبی ہو جاری پیہم
باعثِ فخر ہے یہ خواب کی بات
خدا کی خاص رحمت اور کرم سے 
پھر قصیدہ حُسن کا لکھا گیا
شہِ بطحا کی یہ چوکھٹ ہے، پشیماں کیوں ہے
ہر گھڑی ہے تمنا یہی یا نبی
شجر کے دل میں گھاؤ کر گیا ہے
لبوں سے اسمِ محمد کا نور لف کیا ہے
اذاں میں اسمِ نبی سن لیا تھا بچپن میں
ترے نام کے نور سے ہیں منور مکاں بھی مکیں بھی

اشتہارات