اردوئے معلیٰ

شبابِ خلد کے سردار ہیں امامِ حسن

عقیدتوں کے سزاوار ہیں امامِ حسن

 

ہمیں بھی اپنے غلاموں میں کیجئے گا شمار

کہ ہم بھی آپ کے حبدار ہیں امامِ حسن

 

مزار ان کا زیارت گہِ ملائک ہے

بقیعِ پاک میں ضوبار ہیں امامِ حسن

 

سخی، کریم لئیق و نفیس اور قانع

شفیق و منبعِ ایثار ہیں امامِ حسن

 

وہ کامیاب ہیں ان کا نصیب ہے منزل

کہ جن کے قافلہ سالار ہیں امامِ حسن

 

ابو تراب کے بیٹے حسین کے بھائی

نواسۂ شہِ ابرار ہیں امامِ حسن

 

کبھی ستایا نہیں خوفِ تیرگی نے ہمیں

دِلوں میں صاحبِ انوار ہیں امامِ حسن

یہ نگارش اپنے دوست احباب سے شریک کیجیے

اشتہارات

لُطفِ سُخن کچھ اس سے زیادہ

اردوئے معلیٰ

پر

خوش آمدید!

گوشے۔۔۔

حالیہ اشاعتیں

اشتہارات

اشتہارات