اردوئے معلیٰ

Search

شرح مزمل ہیں طہٰ آپ ہیں

خوب رو حسن سراپا آپ ہیں

 

بے بسوں کے بس سہارا آپ ہیں

خلق میں بے مثل و یکتا آپ ہیں

 

جن سے پھیلی ہے ضیا اس دہر میں

بالیقیں وہ نور والا آپ ہیں

 

ہے زباں پر سب کے چرچا بس یہی

انبیاء میں سب سے اعلیٰ آپ ہیں

 

جس کے حصے میں ہیں آئے مصطفی

خوش نصیبہ اے حلیمہ آپ ہیں

 

بے سہاروں کے لئے اب حشر میں

میرے آقا شامیانہ آپ ہیں

 

کربلا میں گردنیں جن کی کٹی

اس گھرانے کے وہ نانا آپ ہیں

 

حور و غلماں کہہ رہے ہیں باادب

خوبصورت سب سے آقا آپ ہیں

 

کہہ گئے ہیں اعلحضرت پہلے ہی

سب سے بالا اور اعلی آپ ہیں

 

عاشق احمد رضا نوری سدا

پڑھ رہے ہیں جن کا خطبہ آپ ہیں

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ