اردوئے معلیٰ

Search

طبیباں دے وس نئیں خدا جان دا اے

نبی میرا میری دوا جان دا اے

 

نشے جگ دے اوہنوں کدوں چنگے لگدن

تری جو نظر ساقیا جان دا اے

 

دِلا توں دھڑک پر ادب نال دھڑکیں

تری ہر دھڑک مصطفیٰ جان دا اے

 

مِرے سوہنیا اک ترے ناں دے باہجھوں

مِرا دل نہ کوئی صدا جان دا اے

 

زمانے دی دھپ وی مزہ اوہنوں دیندی

تری زلف دی جو گھٹا جان دا اے

 

نصیباں دا بوٹا مِرا کملی والا

نظر نال کرنا ہرا جان دا اے

 

کیویں دل اوہ اعجازؔ دیوے کسے نوں

جو محبوب تیری ادا جان دا اے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ