عظیم فردِ پنج تن حسن حسن

عظیم فردِ پنج تن حسن حسن

وہ نور بار ضو فگن حسن حسن

 

وہ باغِ مصطفیٰ کی کشتِ نور میں

مہک رہے ہیں گلبدن حسن حسن

 

کریم ہیں نواسۂ کریم ہیں

کرم کا بحرِ موج زن حسن حسن

 

وہ تاب دار عکسِ صورتِ نبی

مرے نبی کا بانکپن حسن حسن

 

سکونِ قلبِ بو تراب و فاطمہ

قرارِ رونقِ زمن حسن حسن

 

وہ بادشاہ تخت و تاج چھوڑ کر

سجود و ذکر میں مگن حسن حسن

 

نثار ان کے رنگ اور روپ پر

گلاب اور نسترن حسن حسن

یہ نگارش اپنے دوست احباب سے شریک کیجیے

اشتہارات

لُطفِ سُخن کچھ اس سے زیادہ