اردوئے معلیٰ

Search

علیؓ کے پسر ہیں جنابِ حسنؑ

نبی کے جگر ہیں جنابِ حسنؑ

 

شبیہِ پیمبر ہیں جو ہو بہو

حسِیں خوب تر ہیں جنابِ حسنؑ

 

جھلکتا ہے چہرے سے عکسِ نبی

وہ رشکِ قمر ہیں جنابِ حسن

 

فراست جھلکتی ہے گفتار سے

ذکا سر بسر ہیں جنابِ حسنؑ

 

دیا ظلمتِ شب کو جس نے اُجال

وہ روشن سحر ہیں جنابِ حسنؑ

 

مرے راستے پُر خطر ہیں تو کیا

مرے راہبر ہیں جنابِ حسنؑ

 

جوانانِ جنّت کے سردار ہیں

بڑے اوج پر ہیں جنابِ حسنؑ

 

جھکے جن کے آگے شہانِ جہاں

وہی تاجور ہیں جنابِ حسنؑ

 

جلیل ان کا نوکر ہوں میں اس لئے

مرے چارہ گر ہیں جنابِ حسنؑ

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ