اردوئے معلیٰ

غلام ربانی آگرو کا یوم وفات

آج پاکستان سے تعلق رکھنے والے سندھی اور اردو کے مشہور ادیب، افسانہ نگار، نثر نگار اور محقق غلام ربانی آگرو کا یوم وفات ہے۔

غلام ربانی آگرو پیدائش: 5 نومبر 1933ء
وفات: 18 جنوری 2010ء
——
غلام ربانی آگرو پاکستان سے تعلق رکھنے والے سندھی اور اردو کے مشہور ادیب، افسانہ نگار، نثر نگار اور محقق، سندھ یونیورسٹی کے پہلے پرو وائس چانسلر، سیکریٹری سندھی ادبی بورڈ، ڈائرکٹر جنرل اکادمی ادبیات پاکستان اور ممبر فیڈرل پبلک سروس کمیشن تھے۔
——
حالات زندگی
——
غلام ربانی آگرو 5 نومبر 1933ء کو سندھ میں ضلع نوشہرو فیروز کے گاؤں محمد خان آگرو میں پیدا ہوئے۔ انہوں نے ابتدائی تعلیم حیدر آباد، سندھ سے حاصل کی اور پھر کراچی یونیورسٹی سے گریجویشن کیا۔
54ء- 1953ء میں ان کی ادبی زندگی کا آغاز ہوا۔ وہ کچھ عرصے نئی زندگی کے شریک مدیر رہے اور 1957ء میں سندھی ادبی بورڈ کے اسسٹنٹ سیکریٹری مقرر ہوئے۔ وہ سندھی ادبی بورڈ کے بچوں کے رسالے گل پھلکے بانی مدیر مقرر ہوئے۔
1976 ء میں وہ سندھ یونیورسٹی کے پہلے پرو وائس چانسلر مقرر ہوئے۔ 1980ء میں سندھی ادبی بورڈ سے بطور سیکریٹری منسلک ہوئے۔ 1984ء میں وہ اکادمی ادبیات پاکستان کے ڈائریکٹر جنرل مقرر ہوئے اور قومی ادارہ برائے تحقیق تاریخ و ثقافت کے ڈائریکٹر جنرل بھی رہے۔
——
ادبی خدمات
——
غلام ربانی اگرو سندھی زبان کے ممتاز افسانہ نگار اور محقق شمار ہوتے ہیں۔ ان کی تصانیف میں جھڑا گل گلاب جا، آب حیات، بھارت میں اردو، سندھ جا بر بحر پہاڑ، ماٹھوں شہر بھنبھور جا،سندھی ادب تی ترقی پسند تحریک جو اثر، سندھ میں پکھین جو شکار اور خطن جو کتاب سرِ فہرست ہیں۔
——
یہ بھی پڑھیں : نامور سندھی ادیب غلام محمد گرامی کا یوم پیدائش
——
سرکاری اداروں سے وابستگی
سندھ یونیورسٹی – پرو وائس چانسلر
سندھی ادبی بورڈ، جامشورو – اعزازی سیکریٹری
سندھی ادبی بورڈ، جامشورو – چیئرمین
قومی ادارہ برائے تحقیق تاریخ و ثقافت- ڈائریکٹر جنرل
اکادمی ادبیات پاکستان، اسلام آباد -ڈائریکٹر جنرل
فیڈرل پبلک سروس کمیشن- ممبر
اردو سائنس بورڈ، لاہور – ڈائریکٹر جنرل (اضافی چارج)
اقبال اکادمی، لاہور- ممبر بورڈ آف گورنس
قائداعظم اکیڈمی، کراچی- ممبر بورڈ آف گورنس
انسٹی ٹیوٹ آف سندھالوجی، جامشورو- ممبر بورڈ آف گورنس
ادارۂ ثقافت اسلامیہ، لاہور- ممبر بورڈ آف گورنس
پاکستان فلم سینسر بورڈ، اسلام آباد- ممبر بورڈ آف گورنس
——
ادارت
——
نئی زندگی -محکمہ اطلاعات و نشریات حکومت پاکستان، حیدر آباد – شریک مدیر
گل پھل -سندھی ادبی بورڈ جامشورو – بانی مدیر
سہ ماہی ادبیات – اکادمی ادبیات پاکستان – مدیر منتظم
——
اعزازات
——
حکومت پاکستان نے ان کی ادبی خدمات کے اعتراف میں تمغاے امتیاز اور صدارتی اعزاز برائے حسن کارکردگی عطا کیا۔
——
تصانیف
——
جھڑا گل گلاب جا
آب حیات
سندھ جا بر بحر پہاڑ
ماٹھوں شہر بھنبھور جا
——
یہ بھی پڑھیں : شاعر ڈاکٹر سلیم الزماں صدیقی کا یوم وفات
——
سندھی ادب تی ترقی پسند تحریک جو اثر
خطن جو کتاب
بھارت میں اردو:ایک جائزہ
سندھ میں پکھین جو شکار
——
وفات
——
غلام ربانی آگرو 18 جنوری 2010ء کو حیدر آباد، پاکستان میں حرکت قلب بند ہونے سے انتقال کر گئے۔ وہ اپنے آبائی گاؤں محمد خان آگرو، ضلع نوشہرو فیروز میں مدفون ہوئے۔
یہ نگارش اپنے دوست احباب سے شریک کیجیے

اشتہارات

لُطفِ سُخن کچھ اس سے زیادہ