اردوئے معلیٰ

Search

غم نیا تھا تو نیا عہدِ وفا رکھنا تھا

حوصلہ غم سے بہرحال سوا رکھنا تھا

 

کیسے اُس پر میں مقدر کی سیاہی رکھتا

جس ہتھیلی پہ مجھے رنگِ حنا رکھنا تھا

 

ایسا کیا ڈر تھا بھلا تیز ہوا سے لوگو

بجھ گئیں شمعیں تو آنکھوں کو کھُلا رکھنا تھا

 

ہم نہ خوشبو تھے، نہ آواز، نہ بادل کوئی

پھر ہواؤں سے تعلق بھلا کیا رکھنا تھا

 

اس قدر بھی تو نہیں رکھتے زمیں کو بنجر

دل کے ویرانے میں اک نخلِ انا رکھنا تھا

 

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ