اردوئے معلیٰ

لو لگا پیارے نبی سے شاہوں کے دربار چھوڑ

واسطہ رکھ بس انھیں سے نسبت اغیار چھوڑ

 

سرفرازی دونوں عالم کی اگر مطلوب ہے

بن گدائے مصطفے اور خواہش دستار چھوڑ

 

تجھ کو مل جائے گی جنت یہ مرا ایمان ہے

پیروی کر مصطفے کی سیرت اغیار چھوڑ

 

پیار کرنا تو ہمیشہ احمد مختار سے

جس کو ہو ان سےعداوت اس سے کرنا پیار چھوڑ

 

چاہتا ہے تو اگر برکت ہو تیرے رزق میں

پڑھ کلام حق اے ناداں اور یہ اخبار چھوڑ

 

ہوگی حاصل تجھ کو اے سرتاج آقا کی رضا

راہ دیں پر چل ہمیشہ مغربی اطوار چھوڑ

یہ نگارش اپنے دوست احباب سے شریک کیجیے

اشتہارات

لُطفِ سُخن کچھ اس سے زیادہ

اردوئے معلیٰ

پر

خوش آمدید!

گوشے۔۔۔

حالیہ اشاعتیں

اشتہارات

اشتہارات