اردوئے معلیٰ

Search

مجھے نہ باپ کی نازوں پلی کہا جائے

ہے کرب ایسا کہ جنموں جلی کہا جائے

 

ملا تھا باغ میں کچھ دن قیام کا موقع

لہذا شاخ سے ٹوٹی کلی کہا جائے

 

فقط گناہ ہیں منسوب ہم سے ، باقی لوگ

وہ پارسا ہیں کہ ان کو ولی کہا جائے

 

یہاں پہ رہتا ہے قدرت کا اک حسیں شہکار

تری گلی کو بھی نتھیا گلی کہا جائے

 

وہ شخص میٹھا ہے اتنا کہ اب یہ خواہش ہے

بلانا ہو تو بس گڑ کی ڈلی کہا جائے

 

ہمیں جو عشق ہے سادات کی طرح ان سے

ہمیں بھی عاشق مولا علی کہا جائے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ