اردوئے معلیٰ

Search

مجھ کو بھی ملے اذنِ سفر سیدِ سادات

ہے پیشِ نظر آپ کا در سیدِ سادات

 

مرجان نہ یاقوت، نہ الماس و جواہر

درکار ہے بس ایک نظر سیدِ سادات

 

روشن اسے کر دیجئے جلوؤں سے بسا کر

ویران ہے سنسان ہے گھر سیدِ سادات

 

یہ حاضر و ناظر کے عقیدے نے سکھایا

رکھتے ہیں غلاموں کی خبر سیدِ سادات

 

للہ مجھے اپنے ہی قدموں میں سلا لیں

اے میرِ امم خیر بشر سیدِ سادات

 

آصفؔ بھی ہے ادنیٰ سے تمنائیِ دیدار

طالب ہیں اگر شمس و قمر سیدِ سادات

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ