محبتاں تے اصولاں دی سچی بات کہواں
حضور اِذن دیو آپ دی میں نعت کہواں
حضور مینوں وی ایہناں شعور بخش دیو
بیان حسن کراں آپ دی صفات کہواں
خدا دی ذات ہی ہے آپ دی جو نعت کہوے
میرا تے علم نہیں میری کیہ اوقات کہواں
حضور آپ دے بولن دے وچ خدا بولے
حضور آپ توں وکھری نہ رب دی ذات کہواں
حضور آؤ میرے خواب وچ جے رات نوں تے
میں ایس رات نوں معراج والی رات کہواں
حضور میرے تے وی اک نظر کرم دی ہووے
حضور جانوں تسی مونہوں کیہ حالات کہواں
حضور مینوں مجیدؔ اپنا جے غلام آکھن
تے فیر ساری ہی اپنی میں کائنات کہواں
