اردوئے معلیٰ

Search

محبت ہو نہیں سکتی خُدا سے

نہ ہو جب تک حبیبِ کبریا سے

 

خُدا رزاق ہے، دیتا ہے روزی

مگر سرکار کے دستِ عطا سے

 

گداؤں کو خزائن مل رہے ہیں

درِ حضرت محمد مصطفی سے

 

نواسوں سے مؤدت آپ کو تھی

محبت، فاطمہؓ خیر النساء سے

 

علم عباسؓ کا اُونچا رہے گا

صدا آتی ہے دشتِ کربلا سے

 

فروتر، ہیچ تر، کم تر نہ کوئی

مرے جیسے غلامِ مصطفی سے

 

ہیں برتر سب غلامانِ محمد

ظفرؔ مسکین و عاجز، بے نوا سے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ