اردوئے معلیٰ

محمد مصطفی کو رات دن جو یاد کرتے ہیں

محمد مصطفی کو رات دن جو یاد کرتے ہیں

مدینے میں بلا کر آپ اُن کو شاد کرتے ہیں

 

جنہیں رب نے پکارا، رحمۃ للعلمیں کہہ کر

میری تو ہر مصیبت میں وہی امداد کرتے ہیں

 

جو رکھتے ہی نہیں دل میں نبی کے عشق کی دولت

خدا شاہد ہے اپنی زندگی برباد کرتے ہیں

 

ہوئے بے حال ہیں حالات سے ، للہ خبر لیجئے

گدا ہیں آپ کے ہم، آپ سے فریاد کرتے ہیں

 

ہزاروں ہو گئے حاضر، بلایا آپ نے جن کو

اب آصف دیکھئے کب وہ تمہیں ارشاد کرتے ہیں

یہ نگارش اپنے دوست احباب سے شریک کیجیے

اشتہارات

لُطفِ سُخن کچھ اس سے زیادہ