اردوئے معلیٰ

Search

مرحبا! حُسنِ طریقت آپ کی

مُستند، کامِل شریعت آپ کی

 

جُستجو میں آپ کی دونوں جہاں

ذرّے، ذرّے پر حکومت آپ کی

 

جُملہ اَوصاف و خَصائص بے مثال

پیکرِ اُتَّم ہے مُورت آپ کی

 

آیہء تطہیر بھی کہتی ہے یہ

پاک ہے سب آل و عِترت آپ کی

 

رُوح کو مَہکا رہی ہے، خوب ہے

دامنِ دِل میں محبت آپ کی

 

ماورائے عقل ہو جانِ رضاؔ

کیا بیاں ہو شان و عظمت آپ کی

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ