اردوئے معلیٰ

Search

مریضِ جاں بلب ہو، لادوا ہو

درِ سرکار پر آئے، شفا ہو

 

وہ سجدہ انتہائے بندگی ہے

جو سجدہ آپ کے در پر ادا ہو

 

ہمیشہ کامگار و کامراں ہو

درِ سرکار کا جو بھی گدا ہو

 

یہی عُشاق کے دِل کی صدا ہے

فروغِ نعت ہو، حمد و ثنا ہو

 

حوالہ آپ عفو و درگزر کا

معافی دیں گے، ہم سے گر خطا ہو

 

سگِ در پہ بھی اِک نگہِ محبت

نگاہِ مُلتفِت بہرِ خُدا ہو

 

وہی تقدیرِ اِنساں، امرِ ربی

ظفرؔ جو بھی رضائے مصطفی ہو

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ