اردوئے معلیٰ

Search

مری دیوانگی خود ساختہ نئیں

میں جیسا ہوں میں ویسا چاہتا نئیں

 

سکوں چہرے کا تیرے کہہ رہا ہے

کہ اے دشمن تو مجھ کو جانتا نئیں

 

یہ دل گستاخ ہوتا جا رہا ہے

کہ سنتا ہے مری پر مانتا نئیں

 

مجھے ڈر ہے محبت میں اگر وہ

کہیں کہہ دے خدانخواستہ نئیں

 

اگرچہ دل کہیں پر ہار آیا

مگر پھر بھی میں دل برداشتہ نئیں

 

امیرؔ اس عشق کا مجھ سے نہ پوچھو

پتہ تم سب کو ہے کس کو پتہ نئیں

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ