اردوئے معلیٰ

مری فریاد سُنیے ہوں پریشاں یا رسول اللہ

مری فریاد سُنیے ہوں پریشاں یا رسول اللہ

مرے ہر دُکھ کا بھی کر دیجے درماں یا رسول اللہ

 

گناہوں نے مجھے گھیرا ہوا ہے دیکھیئے آ کر

میری بخشش کا بھی ہو جائے ساماں یا رسول اللہ

 

جسے بس آپ کی ذاتِ مقدس سے محبت ہو

مجھے کر دیجیئے ایسا مسلماں یا رسول اللہ

 

میرے ماں باپ اور مُرشد پہ بھی چشمِ کرم کیجے

جہاں اتنے کئے احساں یہ احساں یا رسول اللہ

 

میرے دل میں بھی حسرت ہے کہ میرے گھر میں آپ آئیں

بنیں گھر کے مرے بھی آپ مہماں یا رسول اللہ

 

اجازت دیجیئے کہ آپ کے دربار میں آ کر

پڑھوں میں آپ کی نعتیں ہے ارماں یا رسول اللہ

 

رضاؔ کے پاس آقا آپ کی الفت اثاثہ ہے

کہ میری جان صدقے دین و ایماں یا رسول اللہ

یہ نگارش اپنے دوست احباب سے شریک کیجیے

اشتہارات

لُطفِ سُخن کچھ اس سے زیادہ