اردوئے معلیٰ

Search

مضمون محبت کے شمارے میں پڑھا ہے

اک ورد مسلسل جو خسارے میں پڑھا ہے

 

کنکر سے ابابیل گرا دیتے ہیں ہاتھی

میں نے یہ ابھی تیسویں پارے میں پڑھا ہے

 

یہ رسمی تعارف بھی ضروری تھا مگر دوست

پہلے بھی کہیں آپ کے بارے میں پڑھا ہے

 

حیرت ہے کہ ہم چار برس مل نہیں پائے

دونوں نے اگر ایک ادارے میں پڑھا ہے

 

آواز اٹھانے سے بھی سنتا نہیں کوئی

میں نے یہ سبق آج اشارے میں پڑھا ہے

 

دن پھر سے گذرنا نہیں اچھا ترا کومل

اخبار کے اک برج ستارے میں پڑھا ہے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ