اردوئے معلیٰ

Search

 

مفلوج کئے پہلے مرے ہاتھ مکمل

پھر چھین لیا مجھ سے مرا ساتھ مکمل

 

اُس پر کسی پنچھی کا ٹھکانہ نہیں ہوتا

جس پیڑ کے جھڑ جاتے ہیں پھل پات مکمل

 

جب جیت گیا اُس سے تو پھر جا کے کھُلا یہ

میں جیت جسے سمجھا وہ تھی مات مکمل

 

دو گام کی سنگت ہمیں منظور نہیں ہے

دینا ہے اگر تم کو تو دو ساتھ مکمل

 

خواہش کسے ہوتی نہیں اُس باغِ ارم کی

قسمت ہی سے ہوتی ہیں مُناجات مکمل

 

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ