اردوئے معلیٰ

Search

 

صبر کی انتہا ہے سجدے میں

خونِ ناحق بہا ہے سجدے میں

 

حملہ آور ہوا کوئی ملعون

اور علی مرتضیٰؓ ہے سجدے میں

 

مسجدِ کوفہ بن گئی مقتل

فخرِ خیرالوریٰ ہے سجدے میں

 

بزدلی دیکھ ابنِ ملجم کی

میرا شیرِ خدا ہے سجدے میں

 

قدسیوں نے کہا گواہی میں

اوجِ صبر و رضا ہے سجدے میں

 

آفتابِ کمالِ ہستی آج

روبروئے خدا ہے سجدے میں

 

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ