اردوئے معلیٰ

 

منہ میں زباں ، زبان میں نعتِ رسول ہے​

دل میں ہے دھیان ، دھیان میں نعتِ رسول ہے​

 

شاداں مکاں ، مکان میں نعتِ رسول ہے​

خوش ہے زماں ، زمان میں نعتِ رسول ہے​

 

سرکار میں ہے کھویا سراسر ہمارا سر​

سر میں گماں ، گمان میں نعتِ رسول ہے​

 

کیوں میں جواب دوں نہ مؤذن کی بات کا​

لب پر اذاں ، اذان میں نعتِ رسول ہے​

 

آؤ ، سناؤں قصۂ ”شق القمر“ تمھیں​

مہ میں نشاں ، نشان میں نعتِ رسول ہے​

 

یہ زندگی بھی ان کی وساطت سے ہے ملی​

تن میں ہے جان ، جان میں نعتِ رسول ہے​

 

بچے بھی خوش ہیں سن کے اذانیں ، اقامتیں​

معصوم کان ، کان میں نعتِ رسول ہے​

 

بازارِ عشق آکے اسامہ ہے خوش بہت​

کھولی دکاں ، دکان میں نعتِ رسول ہے​

 

یہ نگارش اپنے دوست احباب سے شریک کیجیے

اشتہارات

لُطفِ سُخن کچھ اس سے زیادہ

اردوئے معلیٰ

پر

خوش آمدید!

گوشے۔۔۔

حالیہ اشاعتیں

اشتہارات

اشتہارات