اردوئے معلیٰ

مِرا ہر رنج مِٹتا ہے دُرودِ پاک پڑھتے ہی

سُکونِ قلب مِلتا ہے دُرودِ پاک پڑھتے ہی

 

نبی کی یاد میں کھو کر تصوّر بھی سفر کر کے

مدینے میں پہنچتا ہے دُرودِ پاک پڑھتے ہی

 

خدا کی بارگہ سے رَحمتوں کے پھول مِلتے ہیں

مقدّر بھی سنورتا ہے دُرودِ پاک پڑھتے ہی

 

مِرے آنگن میں خوشیاں بھی مکیں ہونے کو آتی ہیں

اُجالا گھر میں ہوتا ہے دُرودِ پاک پڑھتے ہی

 

ہوائیں گلشنِ دِل کو جِلا پھر بخش دیتی ہیں

گُلِ جاں بھی نِکھرتا ہے دُرودِ پاک پڑھتے ہی

 

مجھے سب عِزتوں کی مسندوں پر بھی بِٹھاتے ہیں

رضاؔ اِکرام ہوتا ہے دُرودِ پاک پڑھتے ہی

یہ نگارش اپنے دوست احباب سے شریک کیجیے

اشتہارات

لُطفِ سُخن کچھ اس سے زیادہ

اردوئے معلیٰ

پر

خوش آمدید!

گوشے۔۔۔

حالیہ اشاعتیں

اشتہارات

اشتہارات