مِرے گھر آ گئے ہیں احمدِ مختار ’’بسم اللہ‘‘
دلِ بے چین بولا آئیے سرکار ! ’’بسم اللہ‘‘
کبھی جب سوئے طیبہ فکر نے رختِ سفر باندھا
عطائے مصطفٰی بولی مجھے ہر بار ’’بسم اللہ‘‘
جو قبرِ مصطفٰی کے آگے صدّیقی جسد آیا
صدا آئی کہ ’’آؤ میرے یارِ غا ‘‘ ، ’’بسم اللہ‘‘
مجھے دیکھا تو ہس کر حضرتِ رضوان یوں بولے
بصدقہِ جنابِ سیدِ ابرار ، ’’بسم اللہ‘‘
جو دیکھے ماہتاب اپنا مکمل چاند کی شب میں
حلیمہ چوم کر ماتھا کہے صد بار ’’بسم اللہ‘‘
مِرے پیروں میں چُبھ کر چِھل نہ جائے یہ بدن تیرا
اے شہرِ مصطفٰی میں اُگنے والے خار ! ’’بسم اللہ‘‘
طبیبو دور ہٹ جاؤ تبسم کی یہ خواہش ہے
وہ آئیں اور کہیں ’’اُٹھو مِرے بیمار‘‘ ، ’’بسم اللہ‘‘
