اردوئے معلیٰ

Search

میں حمد پہلے بیان کر لوں تو نعت لکھ لوں

سخن کو شایانِ شان کر لوں تو نعت لکھ لوں

 

درود پڑھ کر میں پہلے قرطاسِ دل سجالوں

مشامِ جاں عطر دان کرلوں تو نعت لکھ لوں

 

ہر ایک لمحے مہک رہی ہَوں ثنا کی کلیاں

دیارِ دل گلستان کر لوں تو نعت لکھ لوں

 

غلام زہرہ کی آل کی ہوں میں بچپنے سے

نثار اُن پر میں جان کرلوں تو نعت لکھ لوں

 

میں اپنی جاں میں بھی ایک طیبہ نگر بساؤں

میں دل کو ان کا مکان کر لوں تو نعت لکھ لوں

 

ہے ناز کی بس یہی تمنا کہ وقتِ آخر

ذرا مدینے کا دھیان کرلوں تو نعت لکھ لوں

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ