اردوئے معلیٰ

Search

میں عِشق زار میں اِس دِل سمیت مارا گیا

قتِیل دشت میں قاتِل سمیت مارا گیا

 

تمہارے حُسن کی تشہیر کر رہا تھا رقیب

سو میرے ہاتھ سے محفِل سمیت مارا گیا

 

چلا تھا عِشق کا جو جِن اتارنے ہمزاد

عمل سے پیشتر عامِل سمیت مارا گیا

 

بڑا فساد ہوا عِشق کی ضمانت پر

وکیل اپنے موکِل سمیت مارا گیا

 

مجھے تو فکر ہے یاروں کی خوب روئیں گے

اگر میں سارے مسائِل سمیت مارا گیا

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ