اردوئے معلیٰ

Search

نبی کا پیار مانگوں میں خُدا سے

خُدا کا پیار مانگوں مصطفی سے

 

خُدا سے پیار کرنے کا قرینہ

کوئی سیکھے امام الانبیا سے

 

شہِ کون و مکاں، محبوبِ یزداں

نبی آخر زماں ہیں ابتدا سے

 

نہیں ہے کوئی بھی بڑھ کر اثاثہ

مرا، عشقِ حبیبِ کبریا سے

 

جبیں میں نے جھُکائی سن کے فوراً

درودوں کی صدا، غارِ حرا سے

 

نبی کے خانداں جیسے نہ گزرا

کوئی بھی آج تک کرب و بلا سے

 

ظفرؔ! میں بندۂ مولا علیؓ ہوں

مؤدت ہے مجھے مشکل کشا سے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ