اردوئے معلیٰ

Search

نبی نے آکھیا میرے ولی نوں ویکھ لوو

خدا نوں ویکھنا ایں تے علیؑ نوں ویکھ لوو

 

بہار آ کے تے خوشبو دی جھولی بھر دی اے

گھرانے ایس تے جنت وی رشک کردی اے

بتول زہراؑ دے ہر پُھل کلی نوں ویکھ لوو

خدا نوں ویکھنا ایں تے علیؑ نوں ویکھ لوو

 

قدم لگائے نیں حسنینؑ پاک پیارے نیں

چمک رئے ایتھے ذرّے جویں ستارے نیں

مدینے پاک دی ہر اک گلی نوں ویکھ لوو

خدا نوں ویکھنا ایں تے علیؑ نوں ویکھ لوو

 

خدائے پاک دی حمدوثناء نوں ویکھ لوو

حسینؑ ویکھنا ایں مصطفی نوں ویکھ لوو

حسنؑ دے روپ دے وچ وی نبینوں ویکھ لوو

خدا نوں ویکھنا ایں تے علیؑ نوں ویکھ لوو

 

اُنہاںؑ دی نسل دا ہر فرد علموں بھارا اے

جے کائنات دا لینا تساں نظارا اے

پِیرانِ پیر دے ہتھ دی تلی نوں ویکھ لوو

خدا نوں ویکھنا ایں تے علیؑ نوں ویکھ لوو

 

جے صبر ویکھناں ایں کربلا نوں ویکھ لوو

عباسؑ ویکھنا ایں تے وفا نوں ویکھ لوو

بِلکدے بالاں دی تِشنہ لبی نوں ویکھ لوو

خدا نوں ویکھنا ایں تے علیؑ نوں ویکھ لوو

 

مجیدؔ اوہناںؑ دا ہر فرد شاہکار ہویا

امام ہویا تے نالے ولی شمار ہویا

اوہناں دا صدقہ ہے جس جس ولی نوں ویکھ لوو

خدا نوں ویکھنا ایں تے علیؑ نوں ویکھ لوو

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ