اردوئے معلیٰ

Search

نبی کے برابر ہوا ہے نہ ہو گا

کوئی ان کا ہمسر ہوا ہے نہ ہو گا

 

ہوئی ختم ان پر نبوت ، رسالت

نبی بعد ان کے ہوا ہے نہ ہو گا

 

حکومت زمین و زماں پر ہے ان کی

کوئی ان سا سرور ہوا ہے نہ ہو گا

 

ہے اک اک صحابیؓ ہدایت کا تارا

کہیں ایسا رہبر ہوا ہے نہ ہو گا

 

زمانہ ہے شاہد نبی کی سخا کا

سخاوت کا پیکر ہوا ہے نہ ہو گا

 

مدینے کے زائر یہ کہتے ہیں زاہدؔ

سفر اس سے برتر ہوا ہے نہ ہو گا

 

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ