اردوئے معلیٰ

Search

نبی دے روپ دی نگری ٹھکانے کون بھُلّے

جو ویکھے رقص وچ موسم سہانے کون بھُلّے

 

ہلارا زلف جے کھولے تصور دے چمن وچ

مہک دی بلبلاں دے فیر گانے کون بھُلّے

 

چمکدے وانگ سورج دے خیالاں دے فلک تے

حِرا وچ دیوے ہنجواں دے جگانے کون بھُلّے

 

سجا کے سیج یاداں دی بٹھا کے مصطفیٰ نوں

قدم چم چم کے ویلے جو وہانے کون بھُلّے

 

پلاون جام وحدت دے بھُلاون سبھ غماں نوں

پیارے نین ساقی دے ملانے کون بھُلّے

 

وفا دے محکمے وچ میرے سوہنے مصطفیٰ دی

ادا توں دستخط دل تے کرانے کون بھُلّے

 

نبی بارے تسیں اعجازؔ توں پچھدے نکیرو ؟

ازل توں نقش نیں جانے پچھانے کون بھُلّے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ