اردوئے معلیٰ

Search

نبی سے عشق میں روشن کیے اللہ نے میرے

دئیے دو چار دن جو بھی دئیے اللہ نے میرے

 

ملا ہے جو ملے گا جو، انہی سجدوں کے صدقے گل

جبینوں میں ہیں جو سجدے لکھے، اللہ نے میرے

 

میں دیکھوں زندگی میں بندگی سے حسن فطرت کو

بدن کی خاک میں رکھے دئیے اللہ نے میرے

 

مرے سپنے تمنائیں، مرے محبوب کے صدقے

مرے اشکوں میں سب دیکھے سنے اللہ نے میرے

 

کہا فردوس سے جاؤ مرے محبوب بندوں میں

کلام اپنا پڑھانے کے لیے اللہ نے میرے

 

یہ دنیا اور وہ دنیا، بنائے جنت و عالم

محمد مصطفیٰ کے واسطے اللہ نے میرے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ